Alla porta del Paradiso
Toc! Toc!... San Piè, arapite!
Uffà! Chi è a chest’ora? Stammo riposanno!
Songo Montella! Poeta di Baiano!
Montella… Montella… Montella.
Nun te conosco! Tuorne chiù tardi allora!
Mo facce ripusà! ‘O Signore è stanco.
Toc! Toc!... San Piè, arapite!
V’aggio purtato na damiggiana ‘e vino!
Aglianico! Fatto cu ‘e mane meje.
E tu ce scucce p’acccussì poco?
L’uva, ce penzate, l’aggio scamazzato
cu ‘e piede mieje, acino e acino!
Allora saje comme fete!
San Piè, assaggiatene nu bicchiere
e po me sapite a dicere comm’è!
San Pietro nu poco scucciato
e pe me fà cuntento
porta ‘o bicchiere â vocca e…
puuuuuuuuu!
Ma che schifenzìa è chesta?
Ma tu qua aglianico e aglianico?
Ca nun ce sta manco l’addore dô vino!
Chesto è acito! Acito puzzolento!
E se ‘o metto ncopp’â ‘nzalata
se bruciano pure ‘e fronne!
Che murtificazione,
pe me che vulevo na bella figura cô Signore!
Siente a me, me dice San Pietro.
Vaie a Taurasi si vuò fa buono
e chiede dâ Cantinella Casale.
Là Marciano te ‘mpare comme se fa ‘o vino.
E se vuò fa chiù ampressa,
tu che vieve da Baiano,
va Âtripalda all’enoteca “3 bicchieri”,
ce sta Antonio cu Paola
e senza dicere che te manna San Pietro cô Signore
fatte dà nu calice chino ‘e chella cosa là!
Accussì capisce che è ‘o vino!
(Baiano, 25 Giugno 2014)