San Valentino

San Valentino

(a mia moglie)

San Valentino… San Valentino…

San Valentino… San Valentino…

Mamma mia, quante ne sò passate!

Trentacinche  e pare aiere

‘a quanno t’aggio cunusciuta.

Trentacinche  e ce addurammo ancora
comme ’a primma vota,
sempe nnammurate  comme allora!
Passano ll’anne uno doppo a n’ato,

nasceno  ‘e primme pile ianche,
quacche ruga malandrina,
ma ‘o core batte e nisciuno ‘o pò cagnà!

Sul’ isso sape quanto è forte l'ammore!

Mo ce stanno ‘e figlie int’ â sta casa
e ‘a famiglia è nu frutto sapurito

che ce dà  ‘a forza pe campà,
si ‘o Signore ‘a benedice.

Nu mazzo ‘e rose prufumate,
na guantiera ‘e paste o nu babà,
na cravatta pô vestito bello…
ma sulo na guardata â fine basta!

Int’ a ll’uocchie  vide l'ammore:
si ce trase,  tu arrive nfunno a ll’anima
e là truove chello che tu cirche.
Allora siente che t’aspettano
l’ate ciento San Valentino!

(Baiano, 31 Gennaio 2017)