Mannaggia a me

Mannaggia a me… mannaggia a te!

Mannaggia a me… mannaggia a te!
Cinche minute dint’ ‘o vuosco
è bastata na spruzzata pe fa stu guaio.
E mo comme ‘a mettimmo nome?

Sotto ‘a veste ddoje culonne
accussì belle, accussì lunghe
ca pe passà a rassegna da vascio a ncoppo
ce vuleva mezz’ora e cchiù,
mannaggia a me… mannaggia a te!
io chiudette ll’uocchie
e iette a l’arrembaggio
senza capì ca nu cusariello
ca nun ‘o vide manco cu ‘o cannocchiale
se va a cuccià proprio llà
senza rispetto ‘e niente e ‘e nisciuno.

Mannaggia a me… mannaggia a te!
E mo chi  ce ‘o dice a mariteto?

(Baiano, 15 luglio 2024)