Nu dono è Dio!
Che cielo stellato stasera,
me pare nu vero paraviso!
Viene ccà, viene a vedè!
Vurria piglià a una a una tutte ‘e stelle
pe fà luce e dà calore dint’ ‘o core,
mille vase te darria pe l’ammore
che te voglio e poi ciente e l’ate ciente.
Ogne stella nu desiderio,
ogne stella na preghiera.
Chiude l’uocchie e faje nu suonno!
Stasera ‘o Signore te piglia pe mano
e sulo Isso sape comme dimane sarrai felice.
Abbracciàte cô stesso penziero
passa ‘a notte cu na stella cadente
e ‘a matina nzieme cô sole
nasce na vita dint’ ‘a sta casa.
Embè! Dio vede e provvede
pe fà felice duje core nnammurate!
Nun ce sta sciore chiù bello,
nun ce sta rosa chiù addurosa,
nun ce sta gioia chiù grossa,
quanno na bimba dice:
Mamma!... Papà!
Mo ‘a vita è n'ata cosa,
mo che 'a nennella brilla comme a na stella
e vuje l’abbracciate stretta stretta
pecchè... è nu dono ‘e Dio!
(Baiano, 28 Ottobre 2015)