Salvatore ‘o Turrese
Sembra ajere ma só 25 anne:
na vita mmiezo a vuje,
‘a siconda casa mia!
«Addò vaje?» me diceveno a Torre.
«Là sarraje sempre nu furastiere!»
Allora sotto sotto, zitte zitte
a Baiano jette na matina,
quatto passe p’ ‘a chiazza e p’ ‘e quartiere
e nu zumpo p’ ‘e paese abbecìne
pe capì che gente steva
e truvaje l ’addore d’ ‘a bontà!
E pure Santu Stefano me dicette:
«Salvatò, he truvato ‘o posto justo,
‘a gente bona c’ ‘o palato fino,
statte cà, dinto a stu paraviso nterra.»
E fu accussì che arapriette cà sta pescheria
addò a gente trase e sente l’addore d’ ‘o mare.
Spigole, orate, seppie e calamare
pe chi sape apprezzà ‘o pesce frisco,
tonno, vongole, alice, aragoste e astice
pe chi a tavula se vò nzuccarà.
Allora c’ ‘o core mmano me sento ‘e dicere
«Grazie a chi mette ‘o pere cà dinto,
pecchè senza ‘e vuje io nu só nisciuno!
E aggiate pacienza pe na mancanza
pecchè l’aggio fatto senza ‘e ce penzà!»
(Baiano, 26 febbraio 2022)