Ncopp’ ‘a fenesta ‘e l'allicuorde
Ah! Comm’è bello a chiagnere stasera
ncopp’ ‘a fenesta ‘e l'allicuorde
fino all’urdemo suspiro...
e sentì scorrere doje lacrime,
sentì ‘o core che te stregne mpietto
e ‘a voce che nu parla chiù!
Comm’è bello a vedé l’uocchie tuoje,
nenné, comme a na vota
quanno sti bracce t’abbracciaveno
e sta vocca te vasava
vicino a na sepe scura!
Cose che nu tornano cchiù!
Mo vase, carezze senza tenerezza:
che contano cchiù, figliò,
quanno nun ce stà l’ammore
na parola doce
nu suspiro d’ ‘o core!
(Avellino, 16 Gennaio 1976)