‘O ciuccio ‘e fatica
Io tengo nu padre che é proprio scemo,
è comme a nu ciuccio ‘e fatica.
Quanno torna a casa
dopp’ a na iurnata chiena chiena,
subbito se mette all’opera.
Lava ‘e piatti, scopa ‘nterra,
leva ‘a povere e va a fà ‘e liette.
Appena se ssétte ‘ncopp’ ô divano
pe leggere ‘o giurnale,
«Va âccattà ‘o pane!»
ordina ‘a mugliera,
che ‘o cumanna câ bacchetta.
«E piglia pure ‘o latte!»
Isso sbuffa, supporta ‘a croce
e torna subbito câ spesa.
Peró é tanto buono
e ce fà passà tutt’ ‘e sfizie
che nuje vulimmo. Tanto ...
‘o ciuccio ‘e fatica è isso!
(Baiano, 5 Maggio 1994 )